by Nostradamus
The lord excused who averted his face
Lest Neptune be moved to sue for peace.
6.91
The commander of the naval force,
Flushed & fierce, now harshly settles the score :
Captive escapes his elder in a bale,
When an Agrippan son is born to the lord.
6.92
The prince of such great beauty & power
Brought to the chief, betrayed a second time :
Town put to the sword, face burned by powder,
The king hating the chief for all his crimes.
6.93
Greedy bishop, so duped by ambition,
As to believe it all without a clue :
He & his envoys now in submission :
A woodsman would take quite a different view.
6.94
A King raging at wreckers of the see,
When arms of war are put under the ban :
Poison tainting the sugared strawberries :
Dunked in water, dying, shouting “Close Ranks!”
6.95
A liar shall defame the younger prince
When his feats of war cause stupefaction :
His elder is denied all preference,
And soon the whole realm falls into factions.
6.96
The great city to soldiers is abandoned,
Never was deadly tumult so close by :
Oh, what hideous disaster comes nigh,
Not a single offense shall be pardoned.
6.97
The sky shall burn at forty-five degrees,
The great new city threatened by the fire :
The flames leaping here & there suddenly
As they seek to deal with the Normans’ ire.
6.98
Ruin to the Volcae, fearsome to behold,
Their great city tainted, with plague aflood :
Their churches sacked, seized their silver & gold,
And both their rivers running red with blood.
6.99
The learnèd foe shall turn around, confused,
His troops ailing, by ambushes undone :
The Pyrenees & Pennines to him refused :
Near the river unearthing ancient stones.
6.100
Incantation of the Law Against Inept Critics.
Let those who read these lines consider them with care,
Let the profane & vulgar herd keep to the side :
Astrologers, Fools & Barbarians, beware,
May he who defies be cursed by the sacred rites.
__________
CENTURIE VI
6.1
Autour des monts Pyrenées grans amas
De gent estrange secourir roy nouveau :
Près de Garonne du grand temple de Mas,
Un Romain chef le craindra dedans l’eau.
6.2
En l’an cinq cens octante plus & moins,
On attendra le siecle bien estrange :
En l’an sept cens & trois cieux en tesmoings,
Que plusieurs regnes un à cinq feront change.
6.3
Fleuve qu’esprouve le nouveau nay Celtique,
Sera en grande de l’Empire discorde :
Le jeune prince par gent ecclesiastique,
Ostera sceptre coronal de concorde.
6.4
Le Celtiq fleuve changera de rivaige,
Plus ne tiendra la cité d’Agripine :
Tout transmué ormis le vieil langaige,
Saturne, Leo, Mars, Cancer en rapine.
6.5
Si grand famine par unde pestifere,
Par pluye longue le long du polle arctique :
Samarobryn cent lieux de l’hemisphere,
Vivront sans loy, exempt de pollitique.
6.6
Apparoistra vers le Septentrion,
Non loin de Cancer l’estoille chevelue :
Suze, Sienne, Boece, Eretrion,
Mourra de Rome grand, la nuict disperue.
6.7
Norneigre & Dace, & l’isle Britannique,
Par les unis freres seront vexées :
Le chef Romain issu de sang Gallique,
Et les copies aux foretz repoulsées.
6.8
Ceux qui estoient en regne pour sçavoir,
Au Royal change deviendront apouvris :
Uns exilez sans appuy, or, n’avoir,
Lettrez & lettres ne seront à grand prix.
6.9
Aux sacrez temples seront faicts escandales,
Comptez seront par honneurs & louanges
D’un que l’on grave d’argent d’or les medalles,
La fin sera en tormens bien estranges.
6.10
Un peu de temps les temples des couleurs
De blanc & noir des deux entremeslée :
Rouges & jaunes leur embleront les leurs,
Sang, terre, peste, faim, feu, d’eau affolée.
6.11
Des sept rameaux à trois seront reduicts,
Les plus aisnez seront surprins par mort,
Fratricider les deux seront seduicts,
Les conjurez en dormans seront morts.
6.12
Dresser copies pour monter à l’Empire,
Du Vatican le sang Royal tiendra :
Flamans, Anglois, Espaigne avec Aspire,
Contre l’Itale & France contendra.
6.13
Un dubieux ne viendra loing du regne,
La plus grand part le voudra soustenir :
Un Capitole ne voudra point qu’il regne,
Sa grande charge ne pourra maintenir.
6.14
Loing de sa terre Roy perdra la bataille,
Prompt eschappé poursuivy suivant prins,
Ignare prins soubs la dorée maille,
Soubs fainct habit & l’ennemy surprins.
6.15
Dessoubs la tombe sera trouvé le Prince,
Qu’aura le pris par dessus Nuremberg :
L’Espaignol Roy en Capricorne mince,
Fainct & trahy par le grand Vvitemberg.
6.16
Ce que ravy sera du jeune Milve,
Par les Normans de France et Picardie :
Les noirs du temple du lieu de Negrisilve
Feront aulberge & feu de Lombardie.
6.17
Après les limes bruslez les asiniers,
Contraints seront changer habits divers :
Les Saturnins bruslez par les meusniers,
Hors la pluspart qui ne sera convers.
6.18
Par les phisiques le grand Roy delaissé,
Par sort non art de l’Ebrieu est en vie,
Luy & son genre au regne hault poussé,
Grace donnée à gent qui Christ envie.
6.19
La vraye flamme engloutira la dame,
Que voudra mettre les Innocens à feu :
Près de l’assaut l’exercite s’enflamme,
Quand dans Seville monstre en bœuf sera veu.
6.20
L’union faincte sera peu de durée,
Des uns changés, reformés la plupart :
Dans les vaisseaux sera gent endurée,
Lors aura Rome un nouveau liepart.
6.21
Quant ceux du polle arctiq unis ensemble,
En Orient grand effraieur & crainte :
Esleu nouveau, soustenu le grand temple,
Rodes, Bisance de sang Barbare taincte.
6.22
Dedans la terre du grand temple celique,
Nepveu à Londres par paix faincte meurtry :
La barque alors deviendra scismatique,
Liberté faincte sera au corn & cry.
6.23
D’esprit de regne munismes descriées,
Et seront peuples esmeuz contre leur Roy :
Paix, faict nouveau, sainctes lois empirées,
Rapis onc fut en si tresdur arroy.
6.24
<
br /> Mars & le sceptre se trouvera conjoinct,
Dessoubz Cancer calamiteuse guerre :
Un peu après sera nouveau Roy oingt,
Qui par long temps pacifiera la terre.
6.25
Par Mars contraire sera la monarchie,
Du grand pescheur en trouble ruyneux :
Jeune noir rouge prendra la hierarchie,
Les proditeurs iront jour bruyneux.
6.26
Quatre ans le siege quelque peu bien tiendra,
Un surviendra libidineux de vie :
Ravenne & Pyse, Veronne soustiendront,
Pour eslever la croix de Pape en vie.
6.27
Dedans les isles de cinq fleuves à un,
Par le croissant du grand Chyren Selin :
Par les bruynes de l’aer fureur de l’un,
Six eschappés, cachés fardeaux de lyn.
6.28
Le grand Celtique entrera dedans Rome,
Menant amas d’exilés & bannis :
Le grand pasteur mettra à mort tout homme,
Qui pour le coq estoient aux Alpes unys.
6.29
La vefve saincte entendant les nouvelles,
De ses rameaux mis en perplex & trouble :
Qui sera duict appaiser les querelles,
Par son pourchas des razes fera comble.
6.30
Par l’apparence de faincte saincteté,
Sera trahy aux ennemis le siege :
Nuict qu’on cuidoit dormir en seureté,
Près de Brabant marcheront ceux du Liege.
6.31
Roy trouvera ce qu’il desiroit tant,
Quand le Prelat sera reprins à tort :
Responce au duc le rendra malcontent,
Qui dans Milan mettra plusieurs à mort.
6.32
Par trahysons de verges à mort battu,
Prins surmonté sera par son desordre :
Conseil frivole au grand captif sentu,
Nez par fureur quant Berich viendra mordre.
6.33
Sa main derniere par Alus sanguinaire,
Ne se pourra par la mer guarentir :
Entre deux fleuves craindre main militaire,
Le noir, l’ireux le fera repentir.
6.34
De feu volant la machination,
Viendra troubler au grand chef assiegez :
Dedans sera telle sedition,
Qu’en desespoir seront les profligez.
6.35
Près de Trion, & proche à blanche laine,
Aries, Taurus, Cancer, Leo, la Vierge,
Mars, Jupiter, le Sol ardra grand plaine,
Bois & citez, lettres cachez au cierge.
6.36
Ne bien ne mal par bataille terrestre,
Ne parviendra aux confins de Perouse :
Rebeller Pise, Florence voir mal estre,
Roy nuict blessé sur mulet à noire house.
6.37
L’œuvre ancienne se parachevera,
Du toict cherra sur le grand mal ruyne :
Innocent faict mort on accusera :
Nocent caiché taillis à la bruyne.
6.38
Aux profligez de paix les ennemis,
Après avoir l’Italie superée :
Noir sanguinaire rouge sera commis,
Feu, sang verser, eaue de sang coulorée.
6.39
L’enfant du regne par paternelle prinse,
Expolié sera pour delivrer :
Auprès du lac Trasimen l’azur prinse,
La troupe hostaige pour trop fort s’enyvrer.
6.40
Grand de Magonce pour grande soif estaindre,
Sera privé de sa grand dignité:
Ceux de Cologne si fort le viendront plaindre,
Que le grand groppe au Ryn sera getté.
6.41
Le second chef du regne d’Annemarc,
Par ceux de Frise et l’isle Britannique,
Fera despendre plus de cent mille marc,
Vain exploicter voyage en Italique.
6.42
A l’Ogmyon sera laissé le regne,
Du grand Selin qui plus sera de faict :
Par les Itales estendra son enseigne,
Regi sera par prudent contrefaict.
6.43
Long temps sera sans estre habitée,
Où Signe et Marne autour vient arrouser :
De la Tamise & martiaux tentée,
Deceuz les gardes en cuidant repouser.
6.44
De nuict par Nantes Lyris apparoistra,
Des artz marins susciteront la pluye :
Arabiq goulfe grand classe parfondra,
Un monstre en Saxe naistra d’ours & truye.
6.45
Le gouverneur du regne bien sçavant,
Ne consentir voulant au faict Royal :
Mellite classe par le contraire vent,
Le remettra à son plus desloyal.
6.46
Un juste sera en exil renvoyé,
Par pestilence aux confins de Nonseggle :
Responce au rouge le fera desvoyé,
Roy retirant à la Rane & à l’aigle.
6.47
Entre deux monts les deux grans assemblés
Delaisseront leur simulte secrette :
Brucelle & Dolle par Langres acablés
Pour à Malignes executer leur peste.
6.48
La saincteté trop faincte & seductive,
Accompaignée d’une langue diserte,
La cité vieille & Parme trop hastive,
Florence & Sienne rendront plus deserte.
6.49
De la partie de Mammer grand pontife,
Subjuguera les confins du Dannube :
Chasser les croix par fer raffe ne riffe,
Captifz, or, bagues plus de cent mille rubes.
6.50
Dedans le puys seront trouvés les oz,
Sera l’incest commis par la maratre :
L’estat changé, on querra bruict et loz,
Et aura Mars ascendant pour son astre.
6.51
Peuple assemblé, voir nouveau expectacle,
Princes & Roys par plusieurs assistans :
Pilliers faillir, murs : mais comme miracle,
Le Roy sauvé & trente des instans.
6.52
En lieu du grand qui sera condemné,
De prison hors son amy en sa place :
L’espoir Troyen en six moys joinct, mort nay
Le Sol à l’urne seront prins fleuves en glace.
6.53
Le grand Prelat Celtique à Roy suspect,
De nuict par cours sortira hors du regne :
Par duc fertile à son grand Roy, Bretaigne,
Bisance à Cipres & Tunes insuspect.
6.54
Au poinct du jour au second chant du coq,
Ceulx de Tunes, de Fez, & de Bugie :
Par les Arabes captif le Roy Maroq,
L’an mil six cens & sept, de Liturgie.
6.55
Au chalmé Duc, en arrachant l’esponce,
Voile Arabesque voir, subit descouverte :
Tripolis, Chio, & ceux de Trapesonce,
Duc prins, Marnegro & sa cité deserte.
6.56
La crainte armée de l’ennemy Narbon,
Effrayera si fort les Hesperiques :
Parpignan vuide par l’aveugle darbon,
Lors Barcelon par mer donra les piques.
6.57
Celuy qu’estoit bien avant dans le regne,
Ayant chef rouge proche à la hierarchie :
Aspre & cruel, & se fera tant craindre,
Succedera à sacré monarchie.
6.58
Entre les deux monarques esloignez,
Lors que le Sol par Selin clair perdue :
Simulte grande entre deux indignez,
Qu’aux Isles & Sienne la liberté rendue.
<
br /> 6.59
Dame en fureur par rage d’adultere,
Viendra à son Prince conjurer nom de dire :
Mais bref congneu sera le vitupere,
Que seront mis dix & sept à martire.
6.60
Le Prince hors de son terroir Celtique,
Sera trahy, deceu par interprete :
Rouan, Rochelle par ceux de l’Armorique
Au port de Blave deceus par moyne & prebstre.
6.61
Le grand tappis plié ne monstrera,
Fors qu’à demy la pluspart de l’histoire :
Chassé du regne loing aspre apparoistra
Qu’au faict bellique chascun le viendra croire.
6.62
Trop tard tous deux les fleurs seront perdues,
Contre la loy serment ne voudra faire :
Des ligueurs forces par gallots confondues,
Savone, Albingue par Monech grand martyre.
6.63
La dame seule au regne demeurée,
L’unic estaint premier au lict d’honneur :
Sept ans sera de douleur explorée,
Puis longue vie au regne par grand heur.
6.64
On ne tiendra pache aucune arrestée,
Tous recevans iront par tromperie :
De paix & tresve, terre & mer protestée,
Par Barcelone classe prins d’industrie.
6.65
Gris & bureau, demie ouverte guerre,
De nuict seront assaillis & pillez :
Le bureau prins passera par la serre,
Son temple ouvert deux au plastre grillez.
6.66
Au fondement de la nouvelle secte,
Seront les oz du grand Romain trouvés :
Sepulcre en marbre apparoistra couverte,
Terre trembler en Avril, Mai enfouetz.
6.67
Au grand Empire parviendra tout un aultre
Bonté distant plus de felicité:
Regi par un issu non loing du peaultre,